امسحى دموعك فى أيدى
واوعى تانى تعيطى
دا انتى امى وانتى عينى
حتى لو حتغلطى
مصر يالى عيشا فينا
مهما تقلت الظروف
انتى اللى بقيا لينا
الشهيد ميت بيضحك
دا لأنه مات عشانك
مهما ضاقت الحمول
باقى فى الدنيا مقامك
أرض سينا
أرض مرويه بطوله
البطل فلان الفلان
كان أسد وكان رجوله
يوم ما دق الغدر بابه
رد بابه
وراح يصد كل غادر أو لئيم
كان يتمتم بالكلام
كان يقول
البلد دى راح تعيش
اقسم باللة العظيم
مستعد فى أى وقت
إنى أكون مشروع شهيد
وإنها لو مكتوبالى
حبقى نولت المكانه
وإنى لو مت فداكى
امسحى دموعك فى أيدى
واوعى تانى تعيطى
دا انتى امى وانتى عينى
حتى لو حتغلطى . . .
الشاعر : مصطفي جلال – الإسكندرية
(
(
