بقلم: وصال هوساوي – الرياض

 
غمضت عِيني بعد تعب أبي ارتاح، الا و تصحيني رسالة
فَكيت رمُوشي عن بعضَها و لقيت أطلق عبارة
تمّ تحويل …، ياجعلني فدوة لك يا خوي هذي أحلى بِشَارة
أقُول برفِضها حتى لو انه عزّم علي بكلامه و اصراره
بس بداخلي أبيها ، اي والله ابيْها و فِيني خُوف الخَسارة
وجاني بَعدها اتصال من الوالده: نزّل الفُلوس أسفَلِ العِمارة
قالتْها و هِي مِستعْجلة ، ما دِرت إنها رِمَتني بحِجارة
مِثل حَمام الزاجِل الي جايب لك خبر سَعيد ثم غير مَساره
آه يا قلبي لا تِحزَن ، و يا خاطِري لا تردد لَحن الكِدارة